Kókshetaý qalasyndaǵy kópbeıindi oblystyq aýrýhananyń onkologııalyq qyzmeti jatyr moınynyń obyry isigine qarsy onkúndik jarııalady. Osy kúnderi 30 ben 70 jas aralyǵyndaǵy áıelder dárigerlerge kórinip, skrınıngten ótti. Oblysta áıelder arasynda kezdesetin qaterli isikterdiń arasynda jatyr moınynyń obyry ekinshi orynda.
Halyq arasynda «jaman aýrý» atalyp ketken dert 40 pen 44 jastaǵy názik jandylar arasynda jıi kezdesedi. Jyl saıyn elimizde 1700 adam osy derttiń qurbany bolýda. О́tken jyly oblysta 86 áıel qaterli isikke shaldyǵyp, 38-i kóz jumǵan. Olardyń 76 paıyzy profılaktıkalyq tekseris kezinde anyqtalǵan. Eger der kezinde emdelse, dárigerlerdiń aıtýyna qaraǵanda, jatyr obyryna shaldyqqandardyń ómirin bes jylǵa deıin uzartý ábden múmkin. Aldaǵy ýaqytta da aldyn alý sharalary uıymdastyrylmaq.
– Eshqandaı joldama qajet emes. Onkogınekolog tegin qabyldady. Skrınıngten ótkizdi,–deıdi oblystyq kópbeıindi aýrýhanasy dırektorynyń onkologııalyq qyzmet jónindegi orynbasary Maııa Ábdirahmanova,–eń bastysy, aýrýdy erterek anyqtaý.
О́tken jyly oblystyq aýrýhananyń onkologııalyq qyzmeti óńirdegi 30400 áıeldi tekseristen ótkizgen. Onyń 17-sinen qaterli isik belgileri anyqtalypty. Dárigerler aýrýdyń aldyn-alý úshin 11-16 jastaǵy qyzdarǵa turmys qurmaı turyp, qaterli dertke qarsy ekpe alýdy usynady. Bul álem tájirıbesinde bar dúnıe. Árqashanda aýyrmaıtyn jol izdegen abzal.
Baıqal BAIÁDIL,
«Egemen Qazaqstan»
Aqmola oblysy